ബിജെപി സംസ്ഥാന അധ്യക്ഷനായി കെ.സുരേന്ദ്രനെ തിരഞ്ഞെടുത്തു.
ബിജെപി സംസ്ഥാന അധ്യക്ഷനായി കെ.സുരേന്ദ്രനെ തിരഞ്ഞെടുത്തു. ബിജെപി ദേശീയ അധ്യക്ഷൻ ജെ. പി നഡ്ഡയാണ് ഇക്കാര്യം പ്രഖ്യാപിച്ചത്. ബിജെപി സംസ്ഥാന ജനറല് സെക്രട്ടറിയായി പ്രവര്ത്തിച്ച് വരികയായിരുന്നു കെ.സുരേന്ദ്രന്.
1970 മാര്ച്ച് 10 ന് കുഞ്ഞിരാമൻ്റെയും കല്യാണിയുടെയും മകനായി കോഴിക്കോട് ഉള്ളിയേരിയിലെ കുന്നുമ്മല് വീട്ടിലാണ് കെ. സുരേന്ദ്രൻ ജനിച്ചത്. യുവമോര്ച്ചയുടെ സംസ്ഥാന അദ്ധ്യക്ഷനായ ശേഷമാണ് സുരേന്ദ്രന് കേരള രാഷ്ട്രീയത്തില് ശ്രദ്ധിക്കപ്പെടുന്നത്. യുവമോര്ച്ചയില് നിന്ന് ബി.ജെ.പിയിലെത്തിയ അദ്ദേഹം പാര്ട്ടിയുടെ ജനറല് സെക്രട്ടറി പദവിയിലുമെത്തി.
ശബരിമല യുവതീ പ്രവേശനത്തിനെതിരായുള്ള പ്രതിഷേധത്തിൽ 22 ദിവസം ജയില്വാസമനുഷ്ഠിക്കേണ്ടി വന്നു അദ്ദേഹത്തിന്. കൂടാതെ ടോട്ടല് ഫോര് യു തട്ടിപ്പ്, മലബാര് സിമന്റ്സ് അഴിമതി, സോളാര് തട്ടിപ്പ് തുടങ്ങിയ അഴിമതികള്ക്കെതിരെ സമരം നയിച്ചിട്ടുണ്ട്.
Photo Courtesy : Google/ images are subject to copyright