കരിപ്പൂര് വിമാന അപകടത്തില് മരിച്ചവരുടെ കുടുംബങ്ങള്ക്കു 10 ലക്ഷം രൂപ ധനസഹായം പ്രഖ്യാപിച്ച് കേന്ദ്ര സര്ക്കാര്.
കരിപ്പൂര് വിമാന അപകടത്തില് മരിച്ചവരുടെ കുടുംബങ്ങള്ക്കു 10 ലക്ഷം രൂപ ധനസഹായം പ്രഖ്യാപിച്ച് കേന്ദ്ര സര്ക്കാര്. വ്യോമയാന മന്ത്രി ഹര്ദീപ് സിങ് പുരിയാണ് കേന്ദ്രസഹായം പ്രഖ്യാപിച്ചത്. വ്യോമയാന മന്ത്രി ഹര്ദീപ് സിങ് പുരിയാണ് കേന്ദ്രസഹായം പ്രഖ്യാപിച്ചത്. മരിച്ചവരുടെ കുടുംബങ്ങള്ക്ക് 10 ലക്ഷം, സാരമായി പരിക്കേറ്റവര്ക്കു രണ്ടു ലക്ഷം, നിസാരപരുക്കുള്ളവര്ക്ക് 50,000 രൂപയും നല്കുമെന്നും പുരി വ്യക്തമാക്കി. ഇന്ഷുറന്സ് ആനുകൂല്യത്തിനു പുറമേയാണു ധനസഹായം. ഇത് ഇടക്കാല ആശ്വാസമായിരിക്കുമെന്നും മന്ത്രി അറിയിച്ചു.
കരിപ്പൂര് ദുരന്തത്തില് അഗാധ ദു:ഖമെന്ന് വ്യോമയാന മന്ത്രി ഹര്ദീപ് സിംഗ് പുരി അറിയിച്ചു. അപകടം നടന്നപ്പോള് തന്നെയുള്ള സമയോചിത ഇടപെടല് അപകടത്തിന്റെ വ്യാപ്തി കുറച്ചു. വിമാനത്താവള അധികൃതരും ഭരണകൂടവും കൃത്യമായി ഇടപെട്ടു. വിമാനത്തിന്റെ രണ്ട് ബ്ലാക്ക് ബോക്സുകള് കിട്ടി. കോക്പിറ്റ് വോയ്സ് റെക്കോഡറും കണ്ടെത്തി.
സംഭവം എയര്ക്രാഫ്റ്റ് ആക്സിഡന്റ് ഇന്വെസ്റ്റിഗേഷന് ബ്യൂറോ (എഎഐബി) അന്വേഷിക്കുന്നുണ്ട്. വ്യോമയാന വിഭാഗത്തിലെ മുതിര്ന്ന ഉദ്യോഗസ്ഥരുമായി ചര്ച്ച നടത്തുമെന്നും മന്ത്രി പറഞ്ഞു. വിമാനം തകര്ന്നു വീണ സ്ഥലം കേന്ദ്രമന്ത്രി സന്ദര്ശിച്ചു. വെള്ളിയാഴ്ച രാത്രി നടന്ന അപകടത്തില് രണ്ട് പൈലറ്റുമാര് ഉള്പ്പെടെ 19 പേരാണു മരിച്ചത്.
149 പേര് ആശുപത്രിയില് ചികിത്സയിലാണ്. 23 പേര് ആശുപത്രി വിട്ടു. രണ്ടാം ലാന്ഡിംഗിനുള്ള ശ്രമത്തിനിടെയാണ് അപകടം നടന്നത്. കനത്ത മഴയില് റണ്വേ കാണാനായില്ല. പ്രധാനമന്ത്രി മുഖ്യമന്ത്രിയുമായി സംഭവം നടന്നയുടന് സംസാരിച്ചു.
Photo Courtesy : Google/ images are subject to copyright