പ്രമുഖ തെന്നിന്ത്യന് താരവും കോണ്ഗ്രസ് വക്താവുമായിരുന്ന ഖുശ്ബു ബിജെപി പാര്ട്ടി അംഗത്വം സ്വീകരിച്ചു.
പ്രമുഖ തെന്നിന്ത്യന് താരവും കോണ്ഗ്രസ് വക്താവുമായിരുന്ന ഖുശ്ബു സുന്ദര് ബിജെപി പാര്ട്ടി അംഗത്വം സ്വീകരിച്ചു. ബിജെപിയുടെ ദില്ലിയിലെ പാര്ട്ടി ആസ്ഥാനത്ത് നടന്ന ചടങ്ങിലാണ് ഖുശ്ബു ബിജെപിയുടെ ഭാഗമായത്.
നേരത്തെ ഖുശ്ബുവിനെ കോണ്ഗ്രസ് പാര്ട്ടി പദവിയില് നിന്ന് നീക്കിയിരുന്നു. എഐഎസിസി വക്താവ് സ്ഥാനത്ത് നിന്നാണ് പാര്ട്ടി ഖുശ്ബുവിനെ പുറത്താക്കിയത്. അപ്പോള് തന്നെ ബിജെപിയില് ചേരാനിരിക്കുകയാണ് ഖുശ്ബു എന്ന സജീവമായ അഭ്യൂഹങ്ങളുയര്ന്നിരുന്നു.
ഡല്ഹിയില് നടന്ന ചടങ്ങില് തമിഴ്നാട് ബിജെപി അധ്യക്ഷന് ഡോ. എല് മുരുഗൻ്റെ സാന്നിധ്യത്തിലാണ് ഖുശ്ബു പാര്ട്ടി അംഗത്വം സ്വീകരിച്ചത്. ബിജെപി ദേശീയ സെക്രട്ടറി സി ടി രവി, ദേശീയ വക്താവ് സംബിത് പത്ര എന്നിവരും ചടങ്ങില് പങ്കെടുത്തു.
കഴിഞ്ഞ കുറച്ചു നാളുകളായി ഖുശ്ബു ബിജെപിയിലേക്കെന്ന തരത്തില് വ്യാപക പ്രചാരണം ഉണ്ടായിരുന്നുവെങ്കിലും ശനിയാഴ്ചയിലെ ഖുശ്ബുവിന്റെ ട്വീറ്റാണ് വീണ്ടും ചര്ച്ചയായത്. ഇക്കാലത്തിനിടയില് നിരവധി മാറ്റങ്ങള്ക്ക് വിധേയമായെന്നും മാറ്റം അനിവാര്യമാണെന്നുമുള്ള അര്ത്ഥത്തോടെയായിരുന്നു ഖുശ്ബുവിന്റെ ട്വീറ്റ്. ഇതിന് പിന്നാലെ ഞായറാഴ്ച ഖുശ്ബു ഡെല്ഹിയിലേക്ക് തിരിക്കുകയും ചെയ്തിരുന്നു.
Photo Courtesy : Google/ images are subject to copyright