മുംബൈയിലെ ലഹരി ഉപയോഗം നടന്ന ആഢംബര കപ്പലിലെ പൂള്‍പാര്‍ട്ടി ഒരുക്കിയത്​ ഫാഷന്‍ ടി.വി. മൂന്ന്​ ദിവസം നീണ്ടു നില്‍ക്കുന്ന സംഗീത പരിപാടിയാണ്​ കപ്പലില്‍ ആസൂത്രണം ചെയ്​തത്​. ബോളിവുഡ്​, ഫാഷന്‍, ബിസിനസ്സ് ​ വ്യവസായത്തില്‍ നിന്നുള്ള നിരവധിപ്പേർ പാര്‍ട്ടിയില്‍ പ​ങ്കെടുത്തിരുന്നു. ശനിയാഴ്ച ഉച്ചക്ക്​ രണ്ട്​ മണിക്കാണ്​ ആഢംബര കപ്പല്‍ കോറിഡിലിയ മുംബൈ തീരത്ത്​ നിന്ന്​ യാത്ര തിരിച്ചത്​. ‘ക്രേ ആര്‍ക്ക്’​ എന്ന പേരിലാണ്​ ഫാഷന്‍ ടി.വി പരിപാടി ഒരുക്കിയത്​. മിയാമിയില്‍ നിന്നുള്ള ഡി.ജെ സതാന്‍ കോലേവ്​, ബുല്‍സിയ ബ്രോണ്‍കോട്ട്​, ദീപേഷ്​ ശര്‍മ്മ എന്നിവരുടെ പരിപാടികള്‍ ആദ്യദിവസമുണ്ടാവുമെന്നായിരുന്നു നോട്ടീസില്‍ അറിയിച്ചിരുന്നത്​. ആറ് ലക്ഷം രൂപവരെയാണ് പ്രവേശന ഫീസായി ഈടാക്കിയിരുന്നു. രഹസ്യവിവരത്തെത്തുടർന്ന് യാത്രക്കാരെന്ന വ്യാജേന ഉദ്യോഗസ്ഥർ കപ്പലിൽ കയറിപ്പറ്റുകയായിരുന്നു. കൊക്കൈൻ, ഹാഷിഷ്, എം ഡിഎം എ ഉൾപ്പെടെയുള്ള നിരോധിതമയക്കുമരുന്നുകൾ പിടികൂടി. സംഭവത്തിൽ ബോളിവുഡ് നടന്റെ മകൻ ഉൾപ്പെടെ എട്ടുപേർ അറസ്റ്റിൽ. 

രണ്ടാം ദിവസം ഒരു മണി മുതല്‍ എട്ട്​ മണി വരെ ഐവറികോസ്റ്റില്‍ നിന്നുള്ള ഡി.ജെ റാവോല്‍ കെ, ഇന്ത്യയില്‍ നിന്നുള്ള ഡി.ജെ കോഹ്​റ, മൊറോക്കന്‍ കലാകാരന്‍ കയാസയും പരിപാടിയില്‍ അവതരിപ്പിക്കുമെന്നാണ്​ അറിയിച്ചിരുന്നത്​. രാത്രി വിവിധ രാജ്യങ്ങളില്‍ നിന്നുള്ള കലാകാരന്‍മാര്‍ അവതരിപ്പിക്കുന്ന സംഗീത പരിപാടിയും ഉണ്ടാവുമെന്നും നോട്ടീസിലുണ്ട്​​. എന്നാല്‍, പാര്‍ട്ടി തുടങ്ങി മണിക്കൂറുകള്‍ക്കകം തന്നെ രഹസ്യവിവരത്തെ എന്‍.സി.ബി സംഘം കപ്പല്‍ റെയ്​ഡ്​ ചെയ്യുകയായിരുന്നു.

https://twitter.com/otvnews/status/1444505725619752960?s=20

Photo Courtesy : Google/ images are subject to copyright

കോവിഡ് മഹാമാരിയുടെ രണ്ടാംവരവിൽ ഈ കാലത്ത് എല്ലാവരും മാസ്ക് ധരിച്ചും സാനിട്ടൈസ് ചെയ്തും സാമൂഹിക അകലം പാലിച്ചും വാക്‌സിനെടുത്തും കോവിഡ് പ്രതിരോധത്തിന് തയ്യാറാവണമെന്ന് യൂണിക്‌ടൈംസ് അഭ്യർത്ഥിക്കുന്നു. ഒത്തൊരുമയോടെ നിന്നാൽ നമുക്കീ മഹാമാരിയെ തോൽപ്പിക്കാനാവും.

# Break the chain #Indian Fighters Corona