ബസ് ചാര്ജ്ജ് കൂട്ടണമെന്ന ആവശ്യമുയര്ത്തി ഇന്ന് അര്ദ്ധരാത്രി മുതല് സ്വകാര്യ ബസുകള് പണിമുടക്കും.
ഇന്ധനവില വര്ദ്ധനയുടെ പശ്ചാത്തലത്തില് ബസ് ചാര്ജ്ജ് കൂട്ടണമെന്ന ആവശ്യമുയര്ത്തി ഇന്ന് അര്ദ്ധരാത്രി മുതല് സ്വകാര്യ ബസുകള് പണിമുടക്കും. മിനിമം ചാര്ജ് 12 രൂപയാക്കി ഉയര്ത്തണമെന്നാണ് സ്വകാര്യ ബസ് ഉടമകളുടെ ആവശ്യം. വിദ്യാര്ത്ഥികളുടെ യാത്രാ നിരക്കില് കാലോചിതമായ വര്ദ്ധന അനിവാര്യമാണെന്ന് ബസുടമകള് ആവശ്യപ്പെടുന്നു. ചാര്ജ് വര്ധന ഉണ്ടായില്ലെങ്കില് സമരത്തിലേക്ക് നീങ്ങുമെന്ന മുന്നറിയിപ്പ് ബസുടമകള് മുന്പ് തന്നെ നല്കിയിരുന്നു. വിദ്യാര്ത്ഥികളുടെ ബസ് ചാര്ജ്ജ് മിനിമം ചാര്ജ്ജിന്റെ പകുതിയായി വര്ദ്ധിപ്പിക്കണമെന്നും സ്വകാര്യ ബസ് ഉടമകള് ആവശ്യപ്പെട്ടിട്ടുണ്ട്. ബസ് ചാര്ജ്ജ് വര്ദ്ധിപ്പിക്കണമെന്ന ബസ് ഉടമകളുടെ ആവശ്യം ന്യായമെന്ന് ഗതാഗത മന്ത്രി ആന്റണി രാജു നേരത്തെ പറഞ്ഞിരുന്നു. ബസ് ചാര്ജ്ജ് വര്ദ്ധനവ് ഉടനെ ഉണ്ടാകുമെന്നും എന്നാല് എന്നുമുതലെന്നത് പറയാനാകില്ലെന്നുമാണ് ഗതാഗത മന്ത്രി അറിയിച്ചത്. സംസ്ഥാന ബജറ്റില് പ്രൈവറ്റ് ബസ് മേഖലയെപ്പറ്റി പരാമര്ശിക്കാത്തതില് സ്വകാര്യ ബസ് ഉടമകള് അതൃപ്തിയിലായിരുന്നു. ഈ മാസം 31 നുള്ളില് നിരക്ക് വര്ധന ഉണ്ടായില്ലെങ്കില് അനിശ്ചിത കാല സമരത്തിലേക്ക് നീങ്ങുമെന്നും സ്വകാര്യ ബസുടമകള് അറിയിച്ചിരുന്നു. സ്വകാര്യ ബസ് വ്യവസായത്തെ മുന്നോട്ട് കൊണ്ടുപോകാന് സര്ക്കാര് സഹായിക്കണമെന്നാണ് ബസ് ഉടമകളുടെ നിലപാട്.
Photo Courtesy : Google/ images are subject to copyright
കോവിഡ് മഹാമാരിയുടെ മൂന്നാംവരവിൻറെ ഈ കാലത്ത് എല്ലാവരും മാസ്ക് ധരിച്ചും സാനിട്ടൈസ് ചെയ്തും സാമൂഹിക അകലം പാലിച്ചും വാക്സിനെടുത്തും കോവിഡ് പ്രതിരോധത്തിന് തയ്യാറാവണമെന്ന് യൂണിക്ടൈംസ് അഭ്യർത്ഥിക്കുന്നു. ഒത്തൊരുമയോടെ നിന്നാൽ നമുക്കീ മഹാമാരിയെ തോൽപ്പിക്കാനാവും.
# Break the chain #Indian Fighters Corona