ബ്രിജ് ഭൂഷണിനെതിരെ അന്വേഷണം പൂര്ത്തിയാക്കി ദില്ലി പോലീസ് ഉടന് കുറ്റപത്രം സമര്പ്പിക്കും
ബ്രിജ് ഭൂഷണിനെതിരെ അന്വേഷണം നടത്തി ഈ മാസം 15 ഓടെ കുറ്റപത്രം സമര്പ്പിക്കുമെന്ന് കേന്ദ്ര കായിക മന്ത്രി ഗുസ്തി താരങ്ങള്ക്ക് ഉറപ്പ് നല്കി. എന്നാല് കുറ്റപത്രം ദുര്ബലമാണെങ്കില് സമരം പുനരാംരംഭിക്കുമെന്ന് താരങ്ങള് കേന്ദ്ര സര്ക്കാരിന് മുന്നറിയിപ്പ് നല്കി.
ബ്രിജ് ഭൂഷണില് നിന്നും നേരിട്ട ലൈംഗീക അതിക്രമങ്ങളുടെ ഓഡിയോ വീഡിയോ തെളിവുകള് 4 വനിത താരങ്ങള് അന്വേഷണ സംഘത്തിന് കൈമാറി. ഇതിനിടെ ബ്രിജ് ഭൂഷണെ സംരക്ഷിക്കാനുള്ള നീക്കത്തിന്റെ ഭാഗമായാണ് തെളിവുകള് ശേഖരിക്കല് എന്ന ആക്ഷേപം ശക്തമാവുകയാണ്. എന്നാല് അതിക്രമങ്ങള് നടന്ന സ്ഥലത്ത് താനില്ലെന്നാണ് ബ്രിജ് ഭൂഷന്റെ വാദം. അതിനാല് പോലീസ് സമര്പ്പിക്കുന്ന കുറ്റപത്രം ദുര്ബലമായിരിക്കുമോ എന്ന സംശയം ശക്തമാവുകയാണ്.
കുറ്റപത്രം ദുര്ബലമാണെങ്കില് സമരം പുനരാരംഭിക്കുമെന്നും ബ്രിജ് ഭൂഷന്റെ അറസ്റ്റല്ലാതെ മറ്റൊരു ഒത്തുതീര്പ്പിനും തയ്യാറല്ലെന്നും താരങ്ങളും വ്യക്തമാക്കിയിട്ടുണ്ട്.
Photo Courtesy : Google/ images are subject to copyright