യൂറോപ്പ് ഭൂഖണ്ഡത്തിൽ ജർമ്മനി, ഫ്രാൻസ്, ബെൽജിയം എന്നിവയ്ക്കിടയിൽ സ്ഥിതി ചെയ്യുന്ന  മനോഹരമായ ഒരു ചെറിയ രാജ്യമാണ് ലക്സംബർഗ്.  യൂറോപ്യൻ യൂണിയൻറെ  നാല് തലസ്ഥാനങ്ങളിലൊന്നായ ലക്സംബർഗ് സിറ്റി, ഭൂഖണ്ഡത്തിലെ ഏറ്റവും കുറഞ്ഞ ജനസംഖ്യയുള്ള രാജ്യത്തിന്റെ തലസ്ഥാനമാണെന്നത് ശ്രദ്ധേയമാണ്. വലിപ്പത്തിൽ ചെറുതാണെങ്കിലും വികസിത രാജ്യമായതിനാൽ  സാമ്പത്തികശേഷിയുടെ കാര്യത്തിൽ ഒരു ഭീമനാണ്.  യൂറോപ്പ് ഭൂഖണ്ഡത്തിലെ ഏറ്റവും ശക്തമായ സമ്പദ്‌വ്യവസ്ഥകളിലൊന്നാണ് ലക്സംബർഗ്. ഉരുക്ക് ഉത്പാദനം, രാസ നിർമ്മാണം, റബ്ബർ, കൃഷി എന്നിവയാണ് ലക്സംബർഗ് സമ്പദ്‌വ്യവസ്ഥയുടെ പ്രധാന ശക്തി. എന്നിട്ടും, ഈ സമ്പദ്‌വ്യവസ്ഥയെ നശിപ്പിക്കാനാവാത്തതാക്കുന്നത് അതിന്റെ സ്വകാര്യ ധനകാര്യമേഖലയാണ്. അടുത്തിടെ നടത്തിയ ഒരു പഠനം സ്വിറ്റ്‌സർലൻഡിന് തൊട്ടുപിന്നിൽ രാജ്യത്തെ റാങ്ക് ചെയ്യുന്നു. എന്നിരുന്നാലും സ്വകാര്യ ബാങ്കിംഗ് നിയമങ്ങൾ പുനഃപരിശോധിക്കാൻ രാജ്യത്തിന്മേൽ സമ്മർദ്ദം ഉയർന്നിട്ടുണ്ട്.

യൂറോപ്യൻ യൂണിയന്റെ സ്ഥാപകാംഗമാണ് ലക്സംബർഗ്. യുണൈറ്റഡ് നേഷൻസ്, നോർത്ത് അറ്റ്ലാന്റിക് ട്രീറ്റി ഓർഗനൈസേഷൻ, ഓർഗനൈസേഷൻ ഫോർ ഇക്കണോമിക് കോഓപ്പറേഷൻ ആൻഡ് ഡെവലപ്‌മെന്റ് എന്നിവയിലും ഈ രാജ്യം അംഗമാണ്. ഐക്യരാഷ്ട്രസഭയുടെ സുരക്ഷാ കൗൺസിലിലും  അംഗമായിരുന്നു. യൂറോപ്പ് ഭൂഖണ്ഡത്തിൽ നിന്നുള്ള ഒരു ചെറിയ രാജ്യം യുഎൻഎസ്‌സിയിലെ ആദ്യ സീറ്റിൽ പ്രവേശിച്ചത് ലക്സംബർഗിലൂടെയാണ്.

ലക്സംബർഗിൽ  കുറഞ്ഞ തൊഴിലില്ലായ്മ നിരക്ക്, ഉയർന്ന മാനവവികസനസൂചിക, ഉയർന്ന പ്രതിശീർഷ വരുമാനം എന്നിവയുണ്ട്. ലോകത്തിലെ അഞ്ചാമത്തെ ശക്തമായ പാസ്‌പോർട്ടാണ് ലക്സംബർഗിൻറെ പാസ്‌പോർട്ട്. കുറഞ്ഞത് 187 രാജ്യങ്ങളിലേക്കെങ്കിലും ഇത് വിസരഹിത പ്രവേശനം  അനുവദിച്ചിട്ടുണ്ട്. എല്ലാ യൂറോപ്യൻ രാജ്യങ്ങളുടെയും ചരിത്രം പോലെ ഇരുണ്ടതാണ്  ഈ രാജ്യത്തിന്റെയും  ചരിത്രം. നിരവധി വഴിത്തിരിവിലൂടെയാണ് രാജ്യം കടന്നുപോയത്. കൗതുകകരമെന്നു പറയട്ടെ, ലോകത്തിലെ അവശേഷിക്കുന്ന ഏക പരമാധികാര ഗ്രാൻഡ് ഡച്ചിയാണിത്. ഭരണം നടത്തുന്നത് ഒരു ഭരണഘടനാപരമായ രാജാവാണെങ്കിലും, അത് ശക്തമായ ഒരു ജനാധിപത്യ മൂല്യവ്യവസ്ഥയെ ഉയർത്തിപ്പിടിക്കുന്നു, മികച്ച പ്രാതിനിധ്യ ജനാധിപത്യഘടനയുണ്ട്. ഇപ്പോൾ, യൂറോപ്പിലെ ഈ ഭാഗത്തെ ഏറ്റവും ആകർഷകമായ വിനോദസഞ്ചാര കേന്ദ്രമായി ലക്സംബർഗ് ഉയർന്നുവന്നിട്ടുണ്ട്.

പ്രകൃതിസൗന്ദര്യത്താലും നിരവധി മനോഹരമായ ആകർഷണങ്ങളാലും  അനുഗ്രഹീതമാണ്  ഈ രാജ്യം.  ലക്സംബർഗ് സിറ്റിയുടെ ഓൾഡ് ക്വാർട്ടർ, നാഷണൽ മ്യൂസിയം ഓഫ് ഹിസ്റ്ററി ആന്റ് ആർട്ട്, ദി ബോക്ക് കേസസ്‌, ഗ്രാൻഡ് ഡൂക്കൽ പാലസ്, ദി വാൾസ് ഓഫ് ദി കോർണിഷ് എന്നിവയാണ് രാജ്യത്തെ അഞ്ച് വിനോദസഞ്ചാര കേന്ദ്രങ്ങൾ.

ലക്സംബർഗ് സിറ്റിയുടെ പഴയ ക്വാർട്ടർ രാജ്യത്തെ ഒരു ചരിത്ര സ്ഥലമാണ്. അതിശയകരമായ നിരവധി ചരിത്ര കെട്ടിടങ്ങൾ, വീടുകൾ, റോഡുകൾ, പാലങ്ങൾ എന്നിവ ഇവിടെയുണ്ട്. രാജ്യത്തിന്റെ ഈ ഭാഗത്ത് സ്ഥിതി ചെയ്യുന്ന പാലങ്ങളിൽ ഏറ്റവും പ്രശസ്തമായ പാലമാണ് അഡോൾഫ് പാലം. ഇവിടം  അതിന്റെ കോട്ടകളാൽ ജനപ്രിയമാണ്. ഒരു ലക്സംബർഗ് യാത്ര ആരംഭിക്കുന്നതിനുള്ള ഏറ്റവും നല്ല സ്ഥലമാണിത്. ചരിത്രസ്നേഹികൾക്ക് ഇതൊരു യഥാർത്ഥ സ്വർഗ്ഗമാണ്.

 രാജ്യത്തിന്റെ സമ്പന്നമായ ചരിത്രത്തെക്കുറിച്ച് സംസാരിക്കാൻ കഴിയുന്ന നിരവധി കലാവസ്തുക്കളും പുരാവസ്തു കണ്ടെത്തലുകളും നാണയങ്ങളും രേഖകളും  പ്രദർശിപ്പിക്കുന്ന നാഷണൽ മ്യൂസിയം ഓഫ് ഹിസ്റ്ററി ആൻഡ് ആർട്ട് ഒരു പ്രധാനാകർഷണമാണ്. ഈ പ്രദേശത്തെ ഒരു പ്രശസ്തമായ വിനോദസഞ്ചാര കേന്ദ്രമായ ചരിത്രപ്രസിദ്ധമായ മാർക്കറ്റിന് സമീപമാണ് മ്യൂസിയം സ്ഥിതി ചെയ്യുന്നത്. ഗാലോ-റോമൻ കാലഘട്ടത്തെ കേന്ദ്രീകരിച്ചാണ് മ്യൂസിയം പ്രവർത്തിക്കുന്നത്. രാജ്യത്ത് സന്ദർശിക്കേണ്ട പ്രധാന സ്ഥലമാണ് ബോക്ക് കേസ്സസ്.  കോട്ടയുടെ ഒരു ഭാഗമായ  21 കിലോമീറ്റർ നീളമുള്ള ഭൂഗർഭ പാതയാണിത്. ആയിരക്കണക്കിന് പ്രതിരോധക്കാർക്ക് അഭയം നൽകാൻ ഈ കഴിയുന്ന ഈ പാതയുടെ പ്രതിരോധ ഘടനയുടെ  വാസ്തുവിദ്യ അമ്പരപ്പിക്കുന്നതാണ്. ഗ്രാൻഡ് ഡ്യൂക്ക് ഹെൻറിയുടെ ഔദ്യോഗിക വസതിയായിരുന്ന ഗ്രാൻഡ് ഡ്യൂക്കൽ പാലസ് രാജ്യത്തെ ഏറ്റവും പ്രശസ്തമായ ലാൻഡ്‌മാർക്കുകളിലൊന്നാണ്. രാജ്യത്തെ പ്രധാന വിനോദസഞ്ചാര കേന്ദ്രവുമാണിത്. ഇത് ഇപ്പോഴും ഡ്യൂക്കിന്റെ ഔദ്യോഗിക കൊട്ടാരമാണ്. യൂറോപ്പ് ഭൂഖണ്ഡത്തിലെ ഏറ്റവും മനോഹരമായ ബാൽക്കണികളിലൊന്നാണ് കോർണിഷിലെ മതിലുകൾ. നിരവധി കുലീനരായ അഭയാർത്ഥികളുടെ ആവാസകേന്ദ്രമാണിത്. സെന്റ് മൈക്കിൾസ് ചർച്ച് ഈ മേഖലയിലെ ഒരു പ്രധാനയിടമാണ്. ഈ പ്രദേശം ചരിത്രപരമായ പ്രാധാന്യത്തിന് പേരുകേട്ടതാണ്.

സംസ്കാരം, പാരമ്പര്യം, ഭാഷ, കല, സംഗീതം, വാസ്തുവിദ്യ, പാചകരീതി എന്നിവയിൽ  യൂറോപ്പിന്റെ മറ്റ് ഭാഗങ്ങളിൽ നിന്ന് രാജ്യം വേറിട്ടുനിൽക്കുന്നു. ഫ്രഞ്ച്, ജർമ്മൻ എന്നിവയും ജനപ്രിയമാണെങ്കിലും ലക്സംബർഗിഷ് ആണ് രാജ്യത്തിന്റെ ഔദ്യോഗിക ഭാഷ. ലക്സംബർഗ് പാചകരീതി അതിന്റെ ഭൂമിശാസ്ത്രപരമായ സ്ഥാനം പ്രതിഫലിപ്പിക്കുന്നു, കാരണം ഇത് ജർമ്മൻ, ഫ്രഞ്ച്, പ്രാദേശിക പാചകരീതികളുടെ മികച്ച മിശ്രിതമാണ്. ലക്സംബർഗ് സംസ്കാരം, പാരമ്പര്യം, കല, വാസ്തുവിദ്യ, സംഗീതം എന്നിവയ്ക്ക് റോമൻ സ്വാധീനവുമുണ്ട്. ചരിത്രകുതുകികൾ തീർച്ചയായും കണ്ടിരിക്കേണ്ടയിടമാണ് ലക്സംബർഗ്.

Photo Courtesy : Google/ images are subject to copyright