കോവിഡ് വ്യാപനത്തിൻ്റെ പശ്ചാത്തലത്തില് സാലറി കട്ട് പിന്വലിക്കാന് മന്ത്രിസഭാ തീരുമാനം.
കോവിഡ് വ്യാപനത്തിൻ്റെ പശ്ചാത്തലത്തില് സര്ക്കാര് ജീവനക്കാര്ക്ക് ഏര്പ്പെടുത്തിയ സാലറി കട്ട് വേണ്ടെന്ന് മന്ത്രിസഭാ തീരുമാനം. ധനവകുപ്പിന്റെ ശുപാര്ശ മന്ത്രിസഭായോഗം അംഗീകരിക്കുകയായിരുന്നു. ശമ്പളത്തില്നിന്നു പിടിച്ച തുക അടുത്ത മാസം മുതല് തിരിച്ചു നല്കും.
ജിഎസ്ടി നഷ്ടപരിഹാരവും കുടിശ്ശികയും കിട്ടുമെന്ന കേന്ദ്ര ഉറപ്പിൻ്റെ അടിസ്ഥാനത്തില് സാലറി ചലഞ്ച് ഒഴിവാക്കാന് നേരത്തെ തന്നെ ധാരണയായിരുന്നു. 7000 കോടി രൂപ കേന്ദ്രത്തില് നിന്ന് കിട്ടുമെന്നാണ് പ്രതീക്ഷിക്കുന്നത്. ഇതോടെ സംസ്ഥാനത്തിൻ്റെ സാമ്പത്തിക പ്രതിസന്ധിക്ക് താത്കാലികമായി പരിഹാരമാകും
വീണ്ടും ശമ്പളം പിടിക്കാനുള്ള തീരുമാനം വന് പ്രതിഷേധത്തിന് ഇടയാക്കിയിരുന്നു. പ്രതിപക്ഷത്തെയും ഭരണപക്ഷത്തെയും സര്വീസ് സംഘടനകള് ഇതിനെതിരെ രംഗത്തുവന്നു. ഈ പശ്ചാത്തലത്തില് തീരുമാനമെടുക്കുന്നത് നീളുകയായിരുന്നു.
Photo Courtesy : Google/ images are subject to copyright