ഷെയ്ൻ നിഗത്തിന് നിർമ്മാതാക്കളുടെ സംഘടനയായ പ്രൊഡ്യൂസേഴ്സ് അസോസിയേഷൻ്റെ വിലക്ക്.
ഷെയ്ൻ നിഗത്തിന് നിർമ്മാതാക്കളുടെ സംഘടനയായ പ്രൊഡ്യൂസേഴ്സ് അസോസിയേഷൻ്റെ വിലക്ക്. ഇന്ന് ചേർന്ന യോഗത്തിലാണ് ഈ തീരുമാനം. വെയില്, കുര്ബാനി എന്നീ സിനിമകൾ ഉപേക്ഷിക്കുമെന്നും സംഘടന അറിയിച്ചു.
കൂടാതെ നിർമ്മാതാക്കൾക്കുണ്ടായിരിക്കുന്ന നഷ്ടം ഷെയ്ൻ നികത്തുന്നതുവരെ സിനിമകളിൽ അഭിനയിപ്പിക്കില്ലെന്നും പ്രൊഡ്യൂസഴ്സ് അസോസിയേഷൻ തീരുമാനിച്ചു. ഈ നിലപാട് അഭിനേതാക്കളുടെ സംഘടനയായ അമ്മയെ അറിയിച്ചതായും നിര്മാതാവ് എം.രഞ്ജിത്ത് പറഞ്ഞു.
രണ്ട് ചിത്രങ്ങള്ക്കുമായി ഏഴുകോടി രൂപയാണ് ചെലവായതെന്നും സംഘടന വ്യക്തമാക്കി. മുടങ്ങിയ മൂന്ന് സിനിമകളുടെ നിർമ്മാതാക്കൾ ഷെയിന് നിഗത്തിനെതിരെ നിയമനടപടികള് സ്വീകരിക്കും. ഷെയ്ൻ നിഗം അച്ചടക്കലംഘനം നടത്തിയിരുന്നതായും നിർമ്മാതാക്കൾ ആരോപിച്ചു.
മലയാള സിനിമയില് ലഹരി ഉപയോഗം വ്യാപകമാണെന്നും അതിനാൽ സിനിമ ലൊക്കേഷനുകളില് ലഹരിമരുന്ന് പരിശോധന വേണമെന്നും പ്രൊഡ്യൂസേഴ്സ് അസോസിയേഷന് ഈ യോഗത്തിൽ ഉന്നയിച്ചു.
Photo Courtesy : Google/ images are subject to copyright