പ്രശസ്ത സംഗീതജ്ഞന് എസ്.പി. ബാലസുബ്രഹ്മണ്യ൦ അന്തരിച്ചു.
പ്രശസ്ത സംഗീതജ്ഞന് എസ്.പി. ബാലസുബ്രഹ്മണ്യ൦ അന്തരിച്ചു. ചെന്നൈയിലെ സ്വകാര്യ ആശുപത്രിയില് ചികിത്സയിലിരിക്കെയാണ് വിയോഗം. 74 വയസായിരുന്നു. കോവിഡ് ബാധിച്ചതിനെ തുടർന്ന് ഒരുമാസമായി ചികിത്സയിലായിരുന്നു. ആരോഗ്യ നില ഇന്നലെ വഷളായതായി ആശുപത്രി അധികൃതർ അറിയിച്ചിരുന്നു.
അദ്ദേഹത്തിൻ്റെ ആരോഗ്യ നിലയിൽ പുരോഗതിയുണ്ടെന്നും ഫിസിയോ തെറാപ്പിയോട് പ്രതികരിക്കുന്നുണ്ടെന്നും മകൻ എസ്.പി ചരൺ സോഷ്യൽ മീഡിയിലൂടെ വ്യക്തമാക്കിയിരുന്നു. എന്നാൽ കഴിഞ്ഞ ഏഴിന് എസ്.പി.ബിയുടെ കോവിഡ് പരിശോധന ഫലം നെഗറ്റീവ് ആയിരുന്നെങ്കിലും ഹൃദയവും ശ്വാസകോശവും സ്വയം പ്രവര്ത്തിക്കാന് കഴിയാത്തവിധം ദുര്ബലമായതായും അധികൃതർ അറിയിച്ചിരുന്നു.
ഓഗസ്റ്റ് അഞ്ചാം തിയ്യതി ആശുപത്രിയില് പ്രവേശിപ്പിച്ച എസ്.പിബിയെ എട്ടാം തിയ്യതിയാണ് വെന്റിലേറ്ററിലേക്കു മാറ്റിയത്. ഗായകന്, സംഗീത സംവിധായകന്, നടന്, ഡബ്ബിംഗ് ആര്ട്ടിസ്റ്റ് എന്നീ നിലകളില് തെന്നിന്ത്യയും മറികടന്ന് ലോകപ്രശസ്തനായ ബഹുമുഖ പ്രതിഭയാണ് എസ്.പി.ബി. കൂടാതെ അദ്ദേഹം 16 ഇന്ത്യന് ഭാഷകളില് 40000ത്തിലധികം പാട്ടുകള് പാടിയിട്ടുണ്ട്.
ആറ് ദേശീയ പുരസ്കാരങ്ങളും ആന്ധ്ര പ്രദേശ് സര്ക്കാരിന്റെ 25 നന്ദി പുരസ്കാരങ്ങളും കലൈമാമണി, കര്ണാടക, തമിഴ്നാട് സര്ക്കാരുകളുടെ പുരസ്കാരങ്ങള് എന്നിവ ലഭിച്ചിട്ടുണ്ട്. കൂടാതെ പദ്മശ്രീ, പദ്മഭൂഷന് എന്നീ അംഗീകാരങ്ങളും അദ്ദേഹത്തിന് ലഭിച്ചിട്ടുണ്ട്.
Photo Courtesy : Google/ images are subject to copyright