ചെമ്മീൻ കട്ലെറ്റ്
ചേരുവകൾ
ചെമ്മീൻ – 500 ഗ്രാം
നാരങ്ങാനീര് – ഒരു ടീസ്പൂൺ
ഉരുളക്കിഴങ്ങ് – രണ്ടെണ്ണം
പച്ചമുളക് – രണ്ട്
സവാള – ഒന്ന്
മഞ്ഞൾപ്പൊടി – ഒരു നുള്ള്
കുരുമുളകുപ്പൊടി – കാൽ ടീസ്പൂൺ
മുളകുപ്പൊടി – കാൽ ടീസ്പൂൺ
ഗരംമസാലപ്പൊടി – കാൽ ടീസ്പൂൺ
മുട്ട വെള്ള – 2 മുട്ടയുടെ
റൊട്ടിപ്പൊടി – കാൽകപ്പ്
ഉപ്പ് – പാകത്തിന്
എണ്ണ – വറുക്കാൻ ആവശ്യത്തിന്
തയ്യാറാക്കുന്നവിധം
ചെമ്മീൻ വൃത്തിയാക്കി കഴുകിവയ്ക്കുക. ഒരു ചീനച്ചട്ടിയിൽ ഒരു ടീസ്പൂൺ എണ്ണ ചൂടാക്കി ഇതിലേക്ക് ചെമ്മീൻ ചേർത്തിളക്കുക. ചെമ്മീനിൻ്റെ നിറം മാറിവരുമ്പോൾ മഞ്ഞൾപ്പൊടി, ഉപ്പ്, ഗരംമസാലപ്പൊടി, മുളകുപ്പൊടി, കുരുമുളകുപ്പൊടി എന്നിവ ചേർക്കുക. ഇത് ഒരു ബൗളിലേക്ക് മാറ്റി ചൂടാറുമ്പോൾ നാരങ്ങാനീരും ഉരുളക്കിഴങ്ങ് പുഴുങ്ങി പൊടിച്ചതും പച്ചമുളകും സവാളയും മല്ലിയിലയും ചേർത്ത് വയ്ക്കുക. ഇനി 1 ടീസ്പൂൺ എണ്ണയും ചേർത്ത് ഇളക്കി കുഴച്ച് ഒരേ വലുപ്പത്തിലുള്ള ഉരുളകൾ ആക്കി കട്ലെറ്റിൻ്റെ രൂപത്തിൽ പരത്തി മുട്ട വെള്ളയിൽ മുക്കി റൊട്ടിപ്പൊടിയിൽ പൊതിഞ്ഞ് ചൂടായ എണ്ണയിൽ ഓരോന്നായിട്ട് വറുത്ത് ബ്രൗൺ നിറമാക്കി കോരുക. രുചികരമായ ചെമ്മീൻ കട്ലെറ്റ് തയ്യാർ.
Photo Courtesy : Google/ images are subject to copyright