വിവാദമായ പോലീസ് നിയമഭേദഗതി പിന്വലിക്കാന് മന്ത്രിസഭ യോഗം തീരുമാനിച്ചു.
വിവാദമായ പോലീസ് നിയമഭേദഗതി പിന്വലിക്കാന് മന്ത്രിസഭ യോഗം തീരുമാനിച്ചു. ഭേദഗതി റദ്ദാക്കാനുള്ള ഓര്ഡിനന്സ് ഗവര്ണറുടെ അംഗീകാരത്തിനായി അയയ്ക്കും.
മാധ്യമങ്ങളും പൊതുസമൂഹവും ഉയര്ത്തിയ പ്രതിഷേധം പരിഗണിച്ചു ഇന്ന് ചേര്ന്ന മന്ത്രിസഭാ യോഗത്തിലാണു തീരുമാനം. പോലീസ് നിയമഭേദഗതിക്കെതിരേ വ്യാപക വിമര്ശനമാണ് ഉയര്ന്നത്. ഇതേത്തുടർന്ന് ഭേദഗതി നടപ്പാക്കാന് ഉദ്ദേശിക്കുന്നില്ലെന്ന് മുഖ്യമന്ത്രി ഇന്നലെ വ്യക്തമാക്കിയിരുന്നു. കൂടാതെ സിപിഎം കേന്ദ്രനേതൃത്വം ഇടപെടുകയും നിയമഭേദഗതി പിന്വലിക്കാന് ആവശ്യപ്പെടുകയും ചെയ്തിരുന്നു.
എതിര്പ്പുകള് കടുത്തതോടെ രണ്ടുദിവസംകൊണ്ടായിരുന്നു മുഖ്യമന്ത്രിയുടെ ഈ പിന്മാറ്റം. നിയമഭേദഗതി നടപ്പാക്കില്ലെന്നും നിയമസഭയില് വിശദ ചര്ച്ച നടത്തിയും ബന്ധപ്പെട്ടവരുടെ അഭിപ്രായം തേടിയും തുടര്നടപടി തീരുമാനിക്കുമെന്നു മുഖ്യമന്ത്രി പിണറായി വിജയന് അറിയിച്ചിരുന്നു.
Photo Courtesy : Google/ images are subject to copyright