ലാല്ജോസ് ചിത്രത്തിൽ സൗബിൻ്റെ നായികയായി മംമ്ത മോഹന്ദാസ് എത്തുന്നു.
ലാല്ജോസ് ചിത്രത്തിൽ സൗബിൻ്റെ നായികയായി മംമ്ത മോഹന്ദാസ് എത്തുന്നു. അറബിക്കഥയ്ക്കും ഡയമണ്ട് നെക്ലെയ്സിനുശേഷം ലാല്ജോസ് ദുബായില് ചിത്രീകരിക്കുന്ന ചിത്രത്തിലാണ് ഇരുവരും ഒരുമിക്കുന്നത്. അടുത്ത ആഴ്ച ദുബായില് ചിത്രീകരണം ആരംഭിക്കുന്ന ചിത്രത്തില് സൗബിനും മംമ്തയും ദമ്പതികളായാണ് അഭിനയിക്കുന്നത്.
ആലുവക്കാരനായ ദസ്തഗീര് എന്ന ചെറുപ്പക്കാരന്റെ വേഷത്തില് സൗബിന് എത്തുമ്പോള് സുലേഖ എന്ന കഥാപാത്രമാണ് മംമ്തയ്ക്ക്. ഇവര്ക്കൊപ്പം മൂന്നു കുട്ടികളും പൂച്ചയും കഥാപാത്രങ്ങളാകുന്നു.
സലിംകുമാറും ഒരു റഷ്യക്കാരിയും മറ്റു പ്രധാന വേഷങ്ങളില് എത്തുന്ന ചിത്രത്തിന് തിരക്കഥ ഡോ. ഇഖ്ബാല് കുറ്റിപ്പുറം ഒരുക്കുന്നു. ജസ്റ്റിന് വര്ഗീസ് സംഗീതവും ഗാനങ്ങള് സുഹൈല് കോയുമാണ്.
Photo Courtesy : Google/ images are subject to copyright