കന്നഡ പിടിച്ചടുക്കിയ ഷെട്ടി ഗാങ് തലവന്‍ മലയാളത്തിലേക്ക്. ഒപ്പം അപര്‍ണ ബാലമുരളിയും
നവാഗതനായ ജിഷോ ലോണ്‍ ആന്റണി സംവിധാനം ചെയ്യുന്ന ‘രുധിരം’എന്ന ചിത്രത്തിലൂടെയാണ് രാജ് ബി. ഷെട്ടി മലയാളത്തില്‍ അരങ്ങേറ്റം കുറിക്കുന്നത്. ‘രുധിരം’ എന്ന ചിത്രത്തിന്റെ ടൈറ്റില്‍ പോസ്റ്റര്‍ റിലീസായി. പ്രമേയത്തിലും പെര്‍ഫോമന്‍സിലും മേക്കിങ്ങിലും വ്യത്യസ്ത പുലര്‍ത്തുന്ന ചിത്രങ്ങളിലൂടെ കന്നഡയില്‍ തരംഗം തീര്‍ത്ത രാജ് ബി. ഷെട്ടി മലയാളത്തില്‍ എത്തുമ്പോള്‍ ഒപ്പം
ചിത്രത്തില്‍ പ്രധാന വേഷത്തിലെത്തുന്നത് ദേശീയ അവാര്‍ഡ് ജേതാവായ അപര്‍ണ ബാലമുരളിയാണ്. ഒണ്ടു മോട്ടേയ കഥേ, ഗരുഡ ഗമന ഋഷഭ വാഹന എന്നീ ചിത്രങ്ങളിലൂടെ സംവിധായകനായും മികച്ച അഭിനേതാവായും പ്രേക്ഷകമനം കവര്‍ന്ന താരമാണ് രാജ് ബി. ഷെട്ടി. സാന്‍ഡല്‍വുഡില്‍ നവതരംഗം തീര്‍ക്കുന്നവരായാണ് റിഷഭ് ഷെട്ടി, രക്ഷത് ഷെട്ടി, രാജ് ബി. ഷെട്ടി എന്നിവര്‍ അറിയപ്പെടുന്നത്. ഈ ഷെട്ടി ഗ്യാങ്ങിലെ പ്രധാനിയാണ് രാജ് ബി. ഷെട്ടി. റൈസിങ് സണ്‍ സ്റ്റുഡിയോസിന്റെ ബാനറില്‍ വി.എസ്. ലാലന്‍ നിര്‍മ്മിക്കുന്ന ‘രുധിരം’ മലയാളം,കന്നഡ, തമിഴ്,തെലുങ്ക് എന്നി ഭാഷകളിലായി അവതരിപ്പിക്കുന്നു. സംവിധായകന്‍ ജിഷോ ലോണ്‍ ആന്റണി, ജോസഫ് കിരണ്‍ ജോര്‍ ജ്ജ് എന്നിവര്‍ ചേര്‍ന്ന് തിരക്കഥ സംഭാഷണമെഴുതുന്നു. റോഷാക്കിലൂടെ പുതുമയാര്‍ന്ന സംഗീതാനുഭവം നല്‍കിയ മിഥുന്‍ മുകുന്ദന്‍ രുധിരത്തിന് പശ്ചാത്തല സംഗീമൊരുക്കുന്നു. സജാദ് കാക്കു ഛായാഗ്രഹണം നിര്‍വഹിക്കുന്നു.എഡിറ്റര്‍-ഭവന്‍ ശ്രീകുമാര്‍.
ക്രിയേറ്റീവ് പ്രൊഡ്യൂസര്‍-ഷബീര്‍ പത്താന്‍, എക്സിക്യൂട്ടീവ് പ്രൊഡ്യൂസര്‍ വിന്‍സന്റ് ആലപ്പാട്ട്, ആര്‍ട്ട്-ശ്യാം കാര്‍ത്തികേയന്‍, പോസ്റ്റര്‍ ഡിസൈന്‍- കഥ, പ്രൊഡക്ഷന്‍ കണ്‍ട്രോളര്‍-റിച്ചാര്‍ഡ്, സൗണ്ട് മിക്സ്- ഗണേഷ് മാരാര്‍, അസോസിയേറ്റ് ഡയറക്ടര്‍-അബ്രു സൈമണ്‍, മേക്കപ്പ്- സുധി സുരേന്ദ്രന്‍, കോസ്റ്റ്യൂംസ്-ധന്യ ബാലകൃഷ്ണന്‍, വി.എഫ്.എക്സ് സൂപ്പര്‍വൈസര്‍- ആനന്ദ് ശങ്കര്‍, ആക്ഷന്‍-റണ്‍ രവി, ഫിനാന്‍സ് കണ്‍ട്രോളര്‍-എം.എസ്. അരുണ്‍, ലൈന്‍ പ്രൊഡ്യൂസര്‍-അവീന ഫിലിംസ്,സ്റ്റില്‍സ്-രാഹുല്‍ എം. സത്യന്‍,പി ആര്‍ ഒ- എ എസ് ദിനേശ്.
Photo Courtesy : Google/ images are subject to copyright
കോവിഡ് മഹാമാരിയുടെ നാലാംവരവിൻറെ ഈ കാലത്ത് എല്ലാവരും മാസ്ക് ധരിച്ചും സാനിട്ടൈസ് ചെയ്തും സാമൂഹിക അകലം പാലിച്ചും വാക്‌സിനെടുത്തും കോവിഡ് പ്രതിരോധത്തിന് തയ്യാറാവണമെന്ന് യൂണിക്‌ടൈംസ് അഭ്യർത്ഥിക്കുന്നു. ഒത്തൊരുമയോടെ നിന്നാൽ നമുക്കീ മഹാമാരിയെ തോൽപ്പിക്കാനാവും.
# Break the chain #Indian Fighters Corona
