ക്രിസ്റ്റ്യാനോ റൊണോള്ഡോയും ലയണല് മെസിയും ഇന്ന് നേര്ക്കുനേര്
‘രാത്രി 10.30ന് സൗദി അറേബ്യയിലെ റിയാദിലുള്ള കിംഗ് ഫഹദ് ഇന്റര്നാഷണല് സ്റ്റേഡിയത്തിലാണ് മത്സരം നടക്കുന്നത്. രണ്ട് വര്ഷത്തെ ഇടവേളക്ക് ശേഷമാണ് സൂപ്പര് താരങ്ങള് കളിക്കളത്തില് കൊമ്ബുകോര്ക്കാന് ഒരുങ്ങുന്നത്.
സൗഹൃദ മത്സരത്തില് സൗദി ഓള് സ്റ്റാര് 11നെ പാരീസ് സെന്റ് ജെര്മെയ്ന് നേരിടും. യൂറോപ്പ് വിട്ട് ഏഷ്യയിലേക്കെത്തിയ റൊണാള്ഡോയുടെ അരങ്ങേറ്റം കൂടിയാണ് ഇന്ന്. ലോക കിരീടം നേടിയ മെസിയുടെ പിഎസ്ജിയാണ് എതിരാളികള്. ജനുവരി ആദ്യത്തില് അല് നസറില് ക്രിസ്റ്റ്യാനോയെ അവതരിപ്പിച്ചുവെങ്കിലും മത്സരത്തിനായി താരം ഇതുവരെ കളത്തിലിറങ്ങിയിരുന്നില്ല
ചരിത്രത്തിലിതുവരെ റൊണാള്ഡോയും മെസിയും തമ്മില് ക്ലബ്, രാജ്യാന്തര വേദികളിലായി ഇതുവരെ 36 മത്സരങ്ങളാണ് അരങ്ങേറിയത്. അതില് 16 തവണ മെസി ജയിച്ചപ്പോള് 11 മത്സരങ്ങളിലാണ് ക്രിസ്റ്റ്യാനോ വിജയിച്ചത്. ഇന്ത്യയില് തത്സമയ ടെലിവിഷന് സംപ്രേഷണം ഇല്ല. അതേസമയം, പിഎസ്ജി ടിവി, ബിഇന് സ്പോര്ട്സ് എന്നിവയിലൂടെ ലൈവ് സ്ട്രീമിംഗ് ഉണ്ടായിരിക്കും.
Photo Courtesy : Google/ images are subject to copyright