ജനിതകമാറ്റം സംഭവിച്ച കൊവിഡ് വൈറസ് വ്യാപനം രൂക്ഷമായസാഹചര്യത്തിൽ ബ്രിട്ടനില് സമ്പൂർണ്ണ ലോക്ക്ഡൗണ് പ്രഖ്യാപിച്ചു.
ജനിതകമാറ്റം സംഭവിച്ച കോവിഡ് വൈറസ് വ്യാപകമായി പടരുന്ന സാഹചര്യത്തിൽ ബ്രിട്ടണ് ദേശീയതലത്തില് വീണ്ടും സമ്പൂർണ ലോക്കഡൗണ് പ്രഖ്യാപിച്ചു. പ്രധാനമന്ത്രി ബോറിസ് ജോണ്സനാണ് ലോക്ഡൗൺ പ്രഖ്യാപിച്ചത്. ബുധനാഴ്ച അര്ദ്ധരാത്രി മുതല് ഫെബ്രുവരി പകുതിവരെയാണ് നിലവില് അടച്ചിടല് പ്രഖ്യാപിച്ചിരിക്കുന്നത്.
രോഗവ്യാപന ശേഷി കൂടിയ പുതിയ കോവിഡ് വൈറസില് രോഗികളുടെ എണ്ണം ക്രമാതീതമായി പെരുകുന്നത് കണക്കിലെടുത്താണ് അടച്ചിടല് പ്രഖ്യാപിച്ചതെന്ന് ബോറിസ് ജോണ്സണ് അറിയിച്ചു. കഴിഞ്ഞ വര്ഷം മാര്ച്ച് അവസാനം മുതല് ജൂണ് വരെ ഏര്പ്പെടുത്തിയ ആദ്യഘട്ട ലോക്ക്ഡൗണിന് സമാനമായ നിയന്ത്രണങ്ങളാണ് ഏര്പ്പെടുത്തിയിരിക്കുന്നത്. അവശ്യസര്വ്വീസിനുള്ള സ്ഥാപനങ്ങളും കടകളും അല്ലാത്തവ അടച്ചിടാന് നിര്ദേശിച്ചിട്ടുണ്ട്.
കോളജുകളും സ്കൂളുകളും അടച്ചിടും. വരുന്ന ആഴ്ചകള് കഠിനമാകുമെന്നും പ്രധാനമന്ത്രി മുന്നറിയിപ്പ് നല്കിയിട്ടുണ്ട്. 54,990 പുതിയ കൊവിഡ് കേസുകളാണ് രാജ്യത്ത് റിപ്പോര്ട്ട് ചെയ്തത്. 454 പുതിയ മരണങ്ങളും 28 ദിവസങ്ങളില് ഉണ്ടായി. ഇപ്പോള് തന്നെ വളരെ കര്ശനമായ നടപടികളാണ് ആരോഗ്യ വകുപ്പ് കൊവിഡ് വ്യാപനത്തിന് എതിരെ സ്വീകരിച്ചിരിക്കുന്നത്.
Photo Courtesy : Google/ images are subject to copyright