ഫ്രഞ്ച് ഓപ്പൺ പുരുഷ സിംഗിൾസ് കിരീടം, നൊവാക് ജോക്കോവിച്ചിന്.
ഫ്രഞ്ച് ഓപ്പൺ പുരുഷ സിംഗിൾസ് കിരീടം ലോക ഒന്നാം നമ്പർ താരം നൊവാക് ജോക്കോവിച്ചിന്. ഫൈനലിൽ സ്റ്റെഫാനോസ് സിസിപാസിനെ പരാജയപ്പെടുത്തിയാണ് ജോക്കോവിച്ച് ചാമ്പ്യനായത്.
ജോക്കോവിച്ചിന്റെ രണ്ടാം ഫ്രഞ്ച് ഓപ്പൺ കിരീടവും പത്തൊൻപതാം ഗ്രാൻഡ് സ്ലാം കിരീടവുമാണിത്. നാല് ഗ്രാൻഡ് സ്ലാമുകളും ഒന്നിലേറെ തവണ നേടുന്ന ഏക താരമെന്ന റിക്കാർഡും ഇതോടെ ജോക്കോവിച്ചിന് സ്വന്തം .
അഞ്ച് സെറ്റുകൾ നീണ്ട പോരാട്ടത്തിനൊടുവിലാണ് സിസിപാസിനെ പാസ് ചെയ്യാൻ ജോക്കോവിച്ചിനായത്.ആദ്യ രണ്ട് സെറ്റുകൾ കൈവിട്ട ശേഷമായിരുന്നു സെർബിയൻ താരത്തിന്റെ ഗംഭീര തിരിച്ചുവരവ്. കന്നി ഗ്രാൻഡ് സ്ലാം ഫൈനൽ കളിക്കുന്ന സിസിപാസിനെ തന്റെ പരിചയസമ്പത്തുകൊണ്ട് മറികടക്കുകയായിരുന്നു ജോക്കോവിച്ച്. സ്കോർ: 6-7 (6-8), 2-6, 6-3, 6-2, 6-4.
Photo Courtesy : Google/ images are subject to copyright