ബാറുകളുടെ പ്രവര്ത്തന സമയം രാത്രി പതിനൊന്ന് മണി വരെ- സര്ക്കാര് ഉത്തരവ് ഉടന്
കാവിഡ് മൂലം നാല് മാസത്തിലേറെയായി പരിമിതപ്പെടുത്തിയ ബാറുകളുടെ പ്രവര്ത്തനസമയം സാധാരണഗതിയിലേക്ക്. രാത്രി 11 വരെ ബാറുകള് പ്രവര്ത്തിപ്പിക്കാന് അനുവദിക്കണമെന്ന ബാറുടമകളുടെ ആവശ്യം സര്ക്കാര് അംഗീകരിച്ചു. ഉത്തരവ് ഉടനുണ്ടാകും. രണ്ടാം കോവിഡ് ലോക്ഡൗണിന് ശേഷം തുറന്നപ്പോള് രാത്രി 9 വരെ മാത്രമാണു പ്രവര്ത്തനം. ഏറ്റവുമധികം വരുമാനം ലഭിക്കേണ്ട സമയത്ത് അടച്ചിടുന്നതുമൂലമുള്ള നഷ്ടത്തെക്കുറിച്ചു ബാറുടമകള് എക്സൈസ് വകുപ്പിനോടു പരാതിപ്പെട്ടിരുന്നു. കോവിഡ് മൂലം ബാര് മേഖലയിലുണ്ടായ വരുമാന നഷ്ടം കണക്കിലെടുത്ത് പുതിയ ബാറുകള്ക്കു നിയന്ത്രണം വേണമെന്ന ബാറുടമകളുടെ ആവശ്യം പുതിയ മദ്യനയത്തില് സര്ക്കാര് ഭാഗികമായി അംഗീകരിച്ചേക്കും. ഭാവിയില് പഞ്ചനക്ഷത്ര ഹോട്ടലുകള്ക്കു മാത്രം ബാര് ലൈസന്സ് നല്കണമെന്നും 50 മുറികളെങ്കിലുമുള്ള ഹോട്ടലുകള്ക്കു മാത്രമേ ലൈസന്സ് നല്കാവൂ എന്നുമായിരുന്നു മദ്യനയ രൂപീകരണത്തിനു മുന്നോടിയായി ബാറുടമകള് ഉന്നയിച്ച ആവശ്യം.
Photo Courtesy : Google/ images are subject to copyright
കോവിഡ് മഹാമാരിയുടെ മൂന്നാംവരവിൻറെ ഈ കാലത്ത് എല്ലാവരും മാസ്ക് ധരിച്ചും സാനിട്ടൈസ് ചെയ്തും സാമൂഹിക അകലം പാലിച്ചും വാക്സിനെടുത്തും കോവിഡ് പ്രതിരോധത്തിന് തയ്യാറാവണമെന്ന് യൂണിക്ടൈംസ് അഭ്യർത്ഥിക്കുന്നു. ഒത്തൊരുമയോടെ നിന്നാൽ നമുക്കീ മഹാമാരിയെ തോൽപ്പിക്കാനാവും.
# Break the chain #Indian Fighters Corona