മണപ്പുറം ഫിനാൻസ് ലിമിറ്റഡിന്റെ ആഭിമുഖ്യത്തിൽ യുണീക്ക് ടൈംസ് കോൺക്ലേവ് 2024 സംഘടിപ്പിക്കുന്നു. മെയ് 13-ന് രാവിലെ 11 മണിക്ക് കൊച്ചിയിലെ ലെ മെറിഡിയനിൽ നടക്കുന്ന ഈ പരിപാടി സംഘടിപ്പിച്ചിരിക്കുന്നത് പെഗാസസ് ഗ്ലോബൽ പ്രൈവറ്റ് ലിമിറ്റഡാണ്. ” സംരംഭകത്വം സ്ത്രീ ശാക്തീകരണത്തിനുള്ള ഉപാധി ” എന്ന പ്രമേയത്തിലുള്ള ഈ കോൺക്ലേവ് വിവിധ മേഖലകളിലുടനീളം സ്ത്രീ ശാക്തീകരണം വർദ്ധിപ്പിക്കുന്നതിൽ സംരംഭകത്വത്തിൻ്റെ നിർണ്ണായക പങ്ക് വിശദമാക്കാനും ലക്ഷ്യമിടുന്നു. മണപ്പുറം ഫിനാൻസ് ലിമിറ്റഡിൻ്റെ ഗണ്യമായ പങ്കാളിത്തം ബിസിനസിൽ സ്ത്രീകളുടെ പങ്ക് പ്രോത്സാഹിപ്പിക്കുന്നതിനുള്ള കമ്പനിയുടെ സമർപ്പണത്തെ ഉയർത്തിക്കാട്ടുന്നു . മണപ്പുറം ഫിനാൻസിൻ്റെ എക്‌സിക്യൂട്ടീവ് ഡയറക്ടർ ഡോ. സുമിത നന്ദൻ കോൺക്ലേവ് മോഡറേറ്റ് ചെയ്യും. മണപ്പുറം ഫിനാൻസ് എം ഡി ആൻഡ് സി ഇ ഒ വി പി നന്ദകുമാർ ചടങ്ങിൽ മുഖ്യാഥിതിയായിരിക്കും.

വി സ്റ്റാർ ക്രിയേഷൻസ് പ്രൈവറ്റ് ലിമിറ്റഡിൻ്റെ ശ്രീമതി ഷീല കൊച്ചൗസേഫ് ചിറ്റിലപ്പിള്ളി, നെസ്റ്റ് ഡിജിറ്റലിന്റെ പ്രൈവറ്റ് ലിമിറ്റഡിൻ്റെ ശ്രീമതി നസ്‌നീൻ ജഹാംഗീർ, ശ്രീമതി പർവീൺ ഹഫീസ് , അന്ന ലിൻഡ ഈഡൻ, ഡോ. എലിസബത്ത് ചാക്കോ, ഡോ. ലക്ഷ്മി നായർ, ഡോ. രാധ പി തേവന്നൂർ, മാതൃഭൂമി ഗ്രൂപ്പിലെ ദേവിക ശ്രെയാംസ് കുമാർ, തുടങ്ങിയ പ്രമുഖരുൾപ്പെടുന്ന ശ്രദ്ധേയമായ പാനലിസ്റ്റുകളുടെ ഒരു നിര തന്നെ കോൺക്ലേവിനായി ഒരുക്കിയിട്ടുള്ളത് . വിവിധ മേഖലകളിൽ നിന്നുള്ള ഈ പ്രഗത്ഭരായ സ്ത്രീകൾ സ്ത്രീകളെ ശാക്തീകരിക്കുന്നതിന് സംരംഭകത്വം പ്രയോജനപ്പെടുത്തുന്നതിനെക്കുറിച്ചുള്ള അവരുടെ കാഴ്ചപ്പാടുകൾ വിശദമാക്കുന്നതിലൂടെ , അതത് വ്യവസായങ്ങളിൽ നിന്ന് വിലപ്പെട്ട കാഴ്ചപ്പാടുകൾ ലഭ്യമാകും.കോൺക്ലേവിനോപ്പം വിമൻസ് എക്‌സലൻസ് അവാർഡുകളും വിതരണം ചെയ്യുന്നു. അവരുടെ മേഖലകളിൽ വനിതകൾ നൽകിയ അസാധാരണമായ സംഭാവനകൾക്കാണ് 2024-ലെ വിമൻസ് എക്‌സലൻസ് അവാർഡ് നൽകി ആദരിക്കുന്നത്. ഫെഡറൽ ഇൻ്റർനാഷണൽ ചേംബർ ഫോറം (FICF), DQUE സോപ്പ് പവേർഡ് ബൈ പാർട്നേഴ്സ്.  ബിസിനസ്സ് മികവിനോടൊപ്പം സാമൂഹികപ്രതിബദ്ധതയും ഉയർത്തിപ്പിടിക്കുന്ന മൾട്ടി ബില്യണയർ ബിസിനസ്സ് അച്ചീവേർസ് അവാർഡ് (എം ബി എ ) ജേതാക്കളുടെ ക്ളബാണ് ഫെഡറൽ ഇൻ്റർനാഷണൽ ചേംബർ ഫോറം .